Donacion Anetaresohu
Dhuro per fushaten

Bashkohuni
kunder sistemit

Pyetjet më të shpeshta

1. Kush ju financon?

Nisma Thurje financohet nga kontributet e anetarëve të saj si edhe nga donacionet e shqiptarëve të tjerë nëpër botë. Për momentin shpenzimet tona limitohen në mbajtjen e një zyre në Tiranë e cila ka nje qira mujore 35 mijë lekë të reja si edhe shpenzime për ujë/drita dhe kancelari të cilat shkojnë 10 mijë lekë të reja. Pra në total jane 45 mije lekë të reja në muaj për zyrat dhe mirëmbajtjen e tyre.
Nderkohë që aktivitetet tona në përgjithësi nuk kërkojnë financim sepse bazohen në kontributin fizik të anëtarëve si edhe në ide. Gjithsesi, kur aktivitetet kanë nevojë për shpenzime ne bejmë një mbledhje fondesh, si ne rastin e turit kombëtar që kemi parashikuar të zhvillojmë në Shtator-Dhjetor ku kemi kërkuar të mbledhim 10 mijë euro donacione për shpenzimet e turit. Deri tani janë bëre bashkë qindra shqiptarë të cilët kanë dhuruar të cilët janë edhe donatorët e drejtë për drejtë të nismës.
Për listën e plotë të donatorëve si dhe për mundësinë të shtosh emrin në listën e donatorëve vizito https://www.gofundme.com/bashkohu-kunder-sistemit

2. Kush janë anetarët e Nismës Thurje?

Nëse rregjistroheni te nismathurje.al (sheshi) do te keni mundesinë të shikoni, të njiheni apo debatoni me të gjithë anëtarët e deritanishëm të Nismës. Anëtarët e Nismës Thurje nuk e kanë punë angazhimin te Nisma, që do të thotë se askush nuk paguhet për këtë gjë.
Të gjithë aktivistët e Nismës Thurje janë profesionistë në vende pune private ose studentë dhe investojme kohën e lirë te Nisma Thurje. Nëse shfletoni faqen tonë në Facebook do të shikoni video nga disa nga aktivistët tanë.

3. Kush e ka themeluar Nismën?

Nismën e kanë themeluar nje grup individësh të lodhur me tranzicionin e pafundëm shqiptar të cilët besojnë se Shqipëria meriton më shumë. Duke qenë një grup qytetarësh qëllimi është të arrihet një organizim i shoqerisë civile përtej partive aktuale politike të cilat janë në marrëveshje me njëra tjetrën për të pasuruar kryetarët dhe rrethin e tyre familjar e shoqëror në kurriz të shqiptarëve.
Prandaj në këtë frymë askush prej themeluesve nuk ka për qëllim të përfitoje personalisht e as të përdorë nismën për të promovuar karrierën e vetë personale, dhe sillemi të gjithë si të barabartë me një organizim horizontal ku mbizotëron demokracia. Për tu njohur më shumë me aktivistë dhe mbështetës të Nismës Thurje vizitoni www.nismathurje.al (sheshi)

4. Jeni pjese e Soros?

Jo, Nisma Thurje nuk financohet nga fondacioni Soros. E për të mbetur të pavarur ne do vazhdojmë të kerkojmë vetëm mbeshtetje me platforma dhurimi publike ku transparenca të jetë maksimale.

5. Jeni si G99, Mjaft apo AK?

Jo, jemi si Nisma Thurje, një organizim i cili nuk është krijuar më parë në Shqipëri për shkak të natyrës horizontale të drejtimit si edhe për shkak të mënyrës së funksionimit jashtë konjukturave aktuale politike. Mjaft, me gjithë qëllimin e mirë që kishin anëtarët e saj, u përdor nga Erion Veliaj për katapultimin e tij personal në politikë.
G99 ishte një satelit i Partisë Socialiste dhe sapo u krijua hyri në koalicion me këtë parti. Aleanca Kuq e Zi në themel të saj kishte promovimin e Kreshnik Spahiut si një lider i fortë dhe i pagabueshëm. Ne nuk kemi asnjë nga këto, për ne vlen më shumë ideja, dhe zgjidhja në të mirë të të gjithëve sesa promovimi i një individi të vetëm. Një informacion rreth ideve tona i gjen të përmbledhura te Karta 2020.

6. Si do shpenzoni lekët që po mblidhni me gofundme,do bëni transparencën e shpenzimeve?

Lekët do të përdoren për shpenzime llogjistike në funksion të turit kombëtar që do të synojë bashkimin e sa më shumë shqiptarëve rreth ideve të Kartës 2020 dhe ndryshimit të sistemit.
Ne do të bëjmë një transparence totale hap mbas hapi të të gjitha shpenzimeve që do te bëjmë duke publikuar faturat përkatëse dhe qellimin për të cilin u perdorën të ardhurat.

7. Çfarë do ndodhë me peticionin?

Peticioni është një mjet bashkimi i shqiptarëve rreth ideve për ndryshimin e sistemit. Synojmë të arrijmë 100 mijë firma e më pas të fillojmë një aktivitet të fortë lobues brenda të gjitha institucioneve vendimarrëse për të perkthyer në vendime kërkesat e peticionit.
Ndërkohë që flasim, edhe pse numri ende nuk eshte plotësuar, pothuajse të gjithe analistët, aktorët politikë,shoqërorë si dhe faktori nderkombëtar në vend po artikulon idenë tonë të ndryshimit të sistemit. Kjo tregon se jemi në rruge të mbarë, por na duhet edhe firma jote, ndaj firmos në një nga stendat tona ose online te nismathurje.al.

8. Si të krijoj një degë në qytetet e tjerë të Shqipërisë ose në diaspore?

Mund te krijoni një degë duke na shkruar te info@nismathurje.al, duke u rregjistruar te nismathurje.al (sheshi) apo duke na kontaktuar në faqen tonë në facebook apo instagram. Sapo ta bëni këtë gjë, ne do ju vendosim në kontakt me personat që për momentin po koordinojnë proçesin e hapjes së degëve dhe kështu mund të na bashkoheni në rrugetimin tonë.
Duhet patur parasysh se ne jemi një nismë qytetare e përbërë nga vullnetarë dhe shpezimet e deri tanishme për hapjen e degëve të reja janë marrë përsipër, duke kontribuar financiarisht nga ekonomia e tyre personale, nga iniciatorët dhe aktivistët pjesmarrës që kanë shprehur vullnetin e krijimit të një dege ose grupimi në qytetin ku jetojnë.

9. Çfarë synon Nisma?

Synojmë të organizojmë shoqërinë dhe të ndryshojmë sistemin politik duke krijuar një ambjent ku shqiptarët të mos jenë të detyruar të largohen. Ne gjykojmë se vendi i ka te gjitha mundësitë financiare, burimet natyrore dhe njerëzore për të siguruar mirëqënie për çdo shqiptar. Por nuk është kryer mirë menaxhimi i tyre si edhe ndërtimi i një sistemi i cili garanton drejtësi sociale dhe barazi para ligjit.
Këto janë motive që shoqëritë Europiane i kanë arritur më mirë se ne, dhe që shqiptarët i kërkojnë me kohë. Ne besojmë se mund të arrijmë këto me anë të ideve tona ku mund ti lexoni te Karta 2020.

10. Kush është teksti i peticionit, dhe çfarë kerkohet në të?

Tekstin e peticionit dhe kerkesat e tij mund ti lexoni te nismathurje.al

11. Nga ta dijmë që nuk jeni të përdorur nga një krah politik për të goditur krahët e tjera politike?

Nëse ndiqni retorikën tonë dhe aktivitetet tona në vite, do të kuptoni se kemi qenë kritik me të gjitha forcat politike. Ne fakt ne sot jemi te akuzuar nga të gjithë militantët e të gjitha partive se i shërbejmë kundërshtarit. PS na akuzon se i shërbejmë PD e LSI, PD e LSI na akuzon se i shërbejmë PS. Ky eshte treguesi më i qartë se ne nuk i shërbejmë askujt. Gjithsesi na ndiq dhe qëndro skeptik, sepse vetëm duke patur gjatë gjithë kohes presionin e çdo mbështetësi ne do të mund të qëndrojmë drejt dhe ti shërbejmë interesit publik.

12. Si behesh aktivist i nismes thurje?

Duke u rregjistuar te nismathurje.al (sheshi). Kur ju te rregjistroheni shumë shpejt do të telefonoheni nga personat që koordinojne aktivistët dhe ata do ju orientojnë për takimet dhe aktivitetet. Nëse ju do të deshironi te merrni nje rol koordinues brenda nismës do mjaftonin aftesite dhe koha e lire. Nisma Thurje është e të gjithëve.

13. Do ktheheni në parti politike?

Nuk ka një vendimarrje për këtë çështjë nga ana e aktivistëve të Nismës.

14. Si mund të rregulloni sistemin kur nuk kemi mentalitetin ne rregull?

E ke vënë re si si shqiptarët kur dalin jashtë sillen shumë korrekt? I respektojnë të gjitha rregullat dhe nuk i shkelin ligjet? E pra ne nuk ka të bëjë me konceptimin tonë të rregullave, jemi njerëz si gjithë qytetarët e Europës dhe kemi treguar sjellje shembullore në të gjitha rastet kur sistemi ishte i rregulluar me saktësi e funksional. Edhe nëse sjellim gjermanët në një vend ku ligji shkelet nga ata që votojnë në parlament, nga Kryeministri e ministrat, edhe ata shumë shpejt do fillojnë ta anashkalojnë sepse do mendojnë se ky është rregulli e jo perjashtimi nga rregulli.
Nëse sistemi funksionon, mentaliteti rregullohet shumë shpejt.

15. Cila eshte diferenca midis sistemit maxhoritar qe ekszistonte para 2008 dhe propozimit tuaj?

Sistemi maxhoritar i jep një mundësi krimit të organizuar të jetë faktor kyç në zgjedhje, duke qenë se zonat zgjedhore janë të vogla. Për rrjedhojë deputetët që do te vijnë në parlament, siç ka ndodhur edhe në të shkuarën, do të detyrohen të bëjnë marrëveshje me bandat lokale.
Sistemi proporcional kombëtar e trajton të gjithë Shqiperinë si një zonë të vetme zgjedhore e për rrjedhojë influenca e bandave është e papërfillshem dhe po ashtu edhe e personave problematikë në zona të caktuara. Kjo do të sjellë një parlament të mbushur me personazhe kombëtare të cilët apelojnë për politika positive per grupe të caktuara interesi e jo per interesat e grupeve te vogla siç ndodh sot.

16. Cilat janë parimet e Nismës?

Parimet dhe idete tona mund ti gjeni te Karta 2020.

17. Programi juaj duket si një program komunist,…

Ne nuk besojmë tek komunizmi dhe nuk duam të jemi brezi i ri i tyre. Ne e respektojmë totalisht pronën private, konkurencën dhe tregun e lirë. Por mendojmë se burimet natyrore të vendit i perkasin të gjithë shqiptarëve dhe për rrjedhojë duhet të sjellin mirëqënie për të gjithë e jo vetëm për një grup të privilegjuar